حقيقة مرة في حدوته
وحبال السجان لما تدوب
تضحك عليك البنوته
بوهم الحرية في غمزتها
ويقولك دي اسمها كوته
مش حق ست الكل كمان
تدوق من لحمك فتفوته ؟!
تغرف وتكوش من قوتك
وتروح بيتهم مبسوطه ؟!
* * *
تطبخ في سياسة وتتعلم
والكعب العالي يتكلم
ويفطها تملا بيها شارعكم
ماهي أحسن ليكم وولادكم
تنزل مؤتمرات في الشارع
وتلعلع في الراديو الوالع
ماهي دخلت حوا المنظومه
تعزف على عزفك يا حكومه
ايديها بس أوام صوتك
أحسن ما المدنية تفوتك
والإصلاح إلى بتحلم بيه
مش مكتوبلك يا سعاده البيه
