تحت ياقة القميص
وضحكه باهته لعلعت
ملت المكان الرخيص
كاسات كتير اتقربعت
ما العمر راح فطيص
وكام سيجارة اتولعت
قال يعني دي الفوانيس
* * *
فتافيت كلام اتنطورت
من بين عيون مسهمة
وكام نصيحة إتصدرت
روق يا واد الجمجمة
تشوف قلوب إتعورت
على وشوش متعشمة
وناس مكانها إتسمرت
همومها تملا ملزمة
* * *
كل الحكاوي إتأجلت
إيه خدنا منها النرفزة
مالكاس عقولنا إتدهولت
هاتك يا ترمس قزقزة
بشوات في ثانيه إتبدلت
ماليها لازمة العنطزة
أحوالنا قال إتعدلت
بس القلوب فيها عزا
حلو أوي
ردحذف