نسرقها سرقة عالسلالم
فوق عمارة
جوه بير
يتنحل وبر المعالم
بين زحام
ومشاوير
وشوشنا تنسى إسمها
والروح تهاجرأرضها
وعيونا تسأل نفسها
هو احنا مين ؟!!!
نسرقها بوسه
نسرقها لقمة تسد جوع
نسرقها فرحه
وإنتصار وسط أيام الخضوع
نسرق حقيقة
تكشف الكدب المعشش عالحيطان
نسرقها فرصة
ترجع الحق الي غايب من زمان
نسرقها ضحكة
حتى بعد قطع إيد
نسرقها شمعة
تخلق من أحزاننا عيد
نسرق قرار
يكسر التوهه بقوة الإختيار
نلعب قمار
يمكن بلعبة ندوق الإنتصار
نسرق كرامة
ترفع الوش المطاطي
نسرق الكرسي
إلي عَلا حد واطي
وشوشنا تنسى إسمها
والروح تهاجرأرضها
وعيونا تسأل نفسها
هو احنا مين ؟!!!
كنت متأكده انى هلاقي هنا ابداع
ردحذفقلم و فكره مالكينك و مالكاهم بجد